قصيدة : دموع الشوق

اهدي هذه القصيدة الى اختي دموع الشوق

دمـــوع الشــــــوق

دموع الشوق بعيوني وأحزاني تخاويني

ثواني ليلتي غربه واعيش بعالم الحرمان

أدور بدنيتي تايه ولافي من يسليني

سوى ذكرى قديمه في خواطر فكري السهوان

أنا جرح الفراق بقايا لهفه سنيني

وأماني عشتها كانت تجول بقلبي الولهان

غريبه لحظتي صارت هموم ما تخليني

تبين للزمن حالي وترسم له شقى انسان

حبيبي لهفتي زادت وشوقي لك سكن فيني

متى تجمع ليالينا اماني عمرنا الخسران

ترى طيفك معي دايم بليل الهم يضويني

ينور لي مسافاتي ويروي لهفه الظميان

غلاك بخافقي زايد وطيفك دايم بعيني

وصوتك بسمه ايامي وحبك يسكن الوجدان

اناجي دمعتي مره ومره هي تناجيني
واذا ضاقت بي الدنيا احاول اكتم الاحزان

موضوع رائع وكلمات اروع

غاليتي ماطرحتيه لنا كان رائعا ومميزا ومفيدا

سلمت اناملك ع الانتقاء الجميل للمواضيع

ولاحرمناكِ

لكِ مني كل الود والحب